ភ្នំពេញ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យុវជនមួយក្រុម បាននាំគ្នាផឹកស្រាបៀរកម្ពុជាអស់កន្លះកេស រួចនាំគ្នាចូលដេក ស្រាប់យុវជនម្នាក់គាំងបេះដូងស្លាប់។
ហេតុការណ៍នេះបានកើតឡើងនៅវេលាម៉ោង១និង៣០នាទី ឈានចូលថ្ងៃទី២៧ ខែតុលា ឆ្នាំ២០១៨ នៅបន្ទប់លេខ៨ ទីតាំងផ្ទះលេខ១៥៥ ផ្លូវលំ ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ។
ជនរងគ្រោះឈ្មោះ ជា ណារ័ត្ន ភេទប្រុស អាយុ៣៤ឆ្នាំ មុខរបរនៅផ្ទះ ទីលំនៅភូមិ ព្រៃបាសាទ ឃុំដើមឬស ស្រុកកណ្តាលស្ទឹង ខេត្តកណ្តាល។
បន្ទាប់ពីមានហេតុការណ៍កើតឡើង សមត្ថកិច្ចនិង ក្រុមគ្រូពេទ្យបានចុះធ្វើកោសល្យវិច្ច័យ និងបានបូមយកទឹកនោមចេញពីសាកសពធ្វើតេស្តរកឃើញ មានសារធាតុញៀនប្រភេទ មេតំហ្វេតាមីន ហើយលើខ្លួនសពមានស្លាកស្នាមខ្លួនប្រាណព្រឺសម្បុរគីង្គក់, លិង្គចេញទឹកកាម, ស្រល់ឈាមផ្នែកខាងក្រោយ។
តាមប្រភពព័ត៌មានពីឈ្មោះ នួន វ៉ា ភេទប្រុស អាយុ២៤ឆ្នាំ មុខរបរជាងដែក មានទីលំនៅផ្ទះកើតហេតុខាងលើបានឲ្យដឹងថា ជនរងគ្រោះបានមកជួលបន្ទប់កើតហេតុខាងលើ ស្នាក់នៅរយ:ពេលប្រហែលជាង១ឆ្នាំមកហើយ លុះដល់ថ្ងៃទី២៥ ខែតុលា ឆ្នាំ២០១៨វេលាម៉ោងប្រហែល ២១និង០០នាទី រូបគេនិងជនរងគ្រោះព្រមទាំងបងប្អូនពីរបីនាក់ទៀត បាននាំគ្នាផឹកស្រាបៀរកម្ពុជាអស់ប្រហែលកន្លះកេះនៅលើគ្រែមុខផ្ទះ រហូតដល់ម៉ោងប្រហែល២២:០០នាទី ក៏នាំគ្នាឈប់ផឹកចូលដេករៀងៗខ្លួន ។ លុះដល់ម៉ោងខាងលើរូបគេក៏ស្រែកហៅជនរងគ្រោះតែពុំមានការឆ្លើយតប ក៏ឡើងទៅបន្ទប់គោះទ្វារហៅ ក៏នៅតែពុំមានការឆ្លើយតបដដែល ខ្លួនក៏រុញទ្វារចូល រួចអង្រួនជើងជនរងគ្រោះ ស្រាប់តែជនរងគ្រោះឡើងរឹងមិនដឹងស្លាប់តាំងពីពេលណា។
តាមការសន្និដ្ឋានរបស់សមត្ថកិច្ច និងក្រុមគ្រូពេទ្យបានឲ្យដឹងថា ជនរងគ្រោះ ស្លាប់ដោយគាំងបេះ ដូងបណ្តាលមកពីការប្រើប្រាស់សារធាតុញៀនប្រភេទ មេតំហ្វេតាមីន ៕
មតិយោបល់