Post News Media ព័ត៌មានជាតិ ឆក់កាបូបចំថ្ង...

ឆក់កាបូបចំថ្ងៃស៊យ! ប៉ះស្ត្រីក្លាហានជិះម៉ូតូបំបុក​បណ្តាលឲ្យដួល រត់ចោលម៉ូតូបាត់…!

ភ្នំពេញ: កាលពីវេលាម៉ោង៥ទៀបភ្លឺ ថ្ងៃទី០៦ ខែវិច្ឆិកា ឆ្នាំ២០១៨ មានករណីស្ត្រីម្នាក់ត្រូវចោរឆក់កាបូបមិនបានសម្រេច ដោយស្ត្រីនោះជិះម៉ូតូបំបុកបណ្តាលឲ្យដួលម៉ូតូរត់ទៅបាត់ ​នៅតាមបណ្តោយផ្លូវ២១៧ ក្រោមស្ពាន​អាកាសស្ទឹងមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

ជនរងគ្រោះមានឈ្មោះ ទិត្យ វណ្ណ ភេទស្រី អាយុ៤៨ឆ្នាំ មុខរបរលក់បាយមុខរោងចក្រ រស់នៅក្នុងសង្កាត់ព្រៃស ខណ្ឌដង្កោ ជិះម៉ូតូ ម៉ាកឌ្រីម សង់១២៥ ស៊េរីឆ្នាំ២០០៦ ពាក់ស្លាកលេខ កណ្តាល1J-2446​។ ចំណែកម៉ូតូជនសស្ស័យម៉ាកសង់ ពណ៌ខ្មៅ ស៊េរីឆ្នាំ២០១២ ពាក់ស្លាកលេខ កំពង់ឆ្នាំង​1C-6197។

ក្រោយពេលកើតហេតុ ​សមត្ថកិច្ចបានចុះទៅដល់កន្លែងកើតហេតុ យកម៉ូតូជនសង្ស័យទៅទុក ព្រមទាំងឲ្យស្ត្រី​រងគ្រោះទៅដាក់ពាក្យបណ្តឹង នៅប៉ុស្តិ៍នគរបាលរដ្ឋបាលស្ទឹងមានជ័យ ដើម្បីកំណត់មុខសញ្ញា និងស្វែងរកចាប់ខ្លួនយកមកដាក់ទោស​តាមនីតិវិធីច្បាប់​ផងដែរ៕

Loading...