Post News Media ព័ត៌មានជាតិ ​រថយន្តដឹកជ័រ...

​រថយន្តដឹកជ័រកៅស៊ូ បើកឡើងភ្នំមិនរួច រអិលថយក្រោយក្រឡាប់ បណ្តាលឲ្យប្រុសស្រី២នាក់ស្លាប់និងរងរបួស!

ត្បូងឃ្មុំ: មានករណីគ្រោះថ្នាក់ចរាចរណ៍មួយបាន​កើតឡើង ដោយមានរថយន្តដឹកជ័រកៅស៊ូ ឡើងភ្នំមិនរួចក៏រអិលថយក្រោយវិញ បណ្តាលឲ្យក្រឡាប់
ស្លាប់បុរសម្នាក់និងម្នាក់ទៀតរងរបួស កាលពីវេលាម៉ោង២និង៥០នាទីរសៀល ថ្ងៃទី១២ ខែវិច្ឆិកា ឆ្នាំ២០១៨ នៅលើផ្លូវអភិវឌ្ឍន៍ក្រាលកៅស៊ូ គីឡូម៉ែត្រលេខ៤០ ភូមិទឹកទុំ ឃុំកំពាន់ ស្រុកមេមត់ ខេត្តត្បូងឃ្មុំ​។

​ជនរងគ្រោះ​​ឈ្មោះ ឆេត ឆុន ភេទប្រុស អាយុ៣១ឆ្នាំ រស់នៅភូមិកំពាន់ ឃុំកំពាន់ ស្រុកមេមត់ (ស្លាប់នៅកន្លែងកើតហេតុ) និង​ឈ្មោះ ហេន ណៃហួយ ភេទស្រី អាយុ៣៦ឆ្នាំ រស់នៅភូម-ឃុំ​ជាមួយគ្នា(របួសស្រាល) ចំណែកអ្នកបើកបរបានរត់គេចខ្លួនបាត់ស្រមោល។ ​

ចំពោះករណីនេះ ​សមត្ថកិច្ចបាននាំយករថយន្ត​ មករក្សាទុកនៅអធិការដ្ឋាននគរបាលស្រុកមេមត់ រង់ចាំម្ចាស់មកបំពេញបែបបទត្រឹមត្រូវយកទៅវិញ។ ចំណែកសាកសពសមត្ថកិច្ចបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕

Loading...