កំពង់ស្ពឺ: កាលពីវេលាម៉ោង ១៨និង៣០នាទីយប់ថ្ងៃទី១៩ ខែវិច្ឆិកា ឆ្នាំ ២០១៨ មានករណីស្ត្រីម្នាក់ ត្រូវខ្សែភ្លើងឆក់ស្លាប់ ស្ថិតនៅចំណុចអូរពន្លូវ ក្នុងភូមិអូរអង្គុំ ឃុំអមលាំង ស្រុកថ្ពង ខេត្តកំពង់ស្ពឹ។
ជនរងគ្រោះ ឈ្មោះ ចិន ធា ភេទស្រីអាយុ ៣៧ ឆ្នាំ រស់នៅភូមិឃុំកើតហេតុ មានប្ដីឈ្មោះ សុទ្ធ ទី អាយុ ៤០ ឆ្នាំ និងកូនចំនួន ៤ នាក់ ស្រីម្នាក់។
សមត្ថកិច្ច បានឲ្យដឹងថា មុនពេលកើតហេតុ ជនរងគ្រោះបានដើរទៅមើលប្ដីអង្គុយផឹកស្រារ នៅរោងខាងមុខ ពេលឃើញដូចនោះក៏បានយកដៃទៅខោកក្បាលប្ដីមួយក្រញ៉រ រួចដើរវិលត្រឡប់មករោងសម្រាកវិញ ក៏បានទង្គិចនិងអំពូលភ្លើង រួចក៏យកដៃចាប់ ស្រាប់តែឆក់ស្លាប់តែម្ដង។
ក្រោយសមត្ថកិច្ច ចុះធ្វើកោសល្យវិច័យរួច ឃើញថាសពពិតជាស្លាប់ដោយសារឆក់ខ្សែភ្លើងមែន ទើបប្រគល់សពទៅឲ្យក្រុមគ្រួសារ យកទៅធ្វើបុណ្យតាមប្រពៃណី៕
មតិយោបល់