កំពង់ស្ពឺ: កាលពីវេលាម៉ោង៨និង៣០នាទីយប់ ថ្ងៃទី២៣ ខែវិច្ឆិកា គ.ស ២០១៨ កម្លាំងជំនាញគ្រឿងញៀនក្រុងច្បារមនសហការជាមួយអាជ្ញាធរ កម្លាំងប៉ុស្តិ៍នគរបាលរដ្ឋបាលស្វាយក្រវ៉ាន់ ធ្វើការល្បាតក្នុងភូមិសាស្រ្ដ លុះមកដល់ចំណុចមុខផ្ទះជួលមួយកន្លែងមានម្ចាស់ឈ្មោះយាយប៊ុតស្ថិតក្នុងភូមិផ្សារចាស់ សង្កាត់ស្វាយក្រវ៉ាន់ ក្រុងច្បារមន ឃើញមុខសញ្ញាសង្ស័យចំនួន២នាក់ ១.ឈ្មោះ ផន សុភ័ក្រ ភេទប្រុស អាយុ២០ឆ្នាំ មានទីលំនៅភូមិថ្មី ឃុំរលាំងចក ស្រុកសំរោងទង ខេត្តកំពង់ស្ពឺ និងទី២ឈ្មោះ ថា លីដា ភេទស្រី អាយុ២៤ឆ្នាំ ភូមិត្រា ឃុំកំពុងពពិល ស្រុកពារាំង ខេត្តព្រៃវែង។ សមត្ថកិច្ចធ្វើការឃាត់ឆែកឆេរបានរកឃើញនិងដកហូតវត្ថុតាងបានរួមមាន៖ ម៉្សៅក្រាមពណ៌សថ្លាសង្ស័យជាគ្រឿងញៀន ចំនួន ០៣កញ្ចប់ ស្មើនឹង០.៤៩ក្រាម ,ទូរស័ព្ទដៃ១គ្រឿង, ដែកកេះ១, ឃ្សៀជក់១, អត្តសញ្ញាណប័ណ្ណសញ្ជាតិខ្មែរ ១សន្លឹក ,កាត ATM AMK ចំនួន១សន្លឹក ,ប័ណ្ណបើកបរ១សន្លឹក។
បច្ចុប្បន្នមុខសញ្ញាសង្ស័យទាំង២នាក់ ក្រុងបានកំពុងកសាងសំណុំរឿងបញ្ជូនទៅការិ.ជំនាញខេត្តចាត់ការតាមនីតិវិធី៕
មតិយោបល់