ភ្នំពេញ: ករណីគ្រោះថ្នាក់ចរាចរណ៍មួយ ដោយរថយន្តដឹកទឹកកកបានបើកជែង តែមិនផុតក៏ទៅកៀររថយន្តដឹកហ្គាស រួចជ្រុលទៅបុករបងគេ ផ្អើលទាំងព្រឹក ដែលហេតុការណ៍នេះ កើតទ្បើងកាលពីវេលាម៉ោង៦និង៣០នាទីព្រឹកថ្ងៃទី២៦ ខែវិច្ឆិកា ឆ្នាំ២០១៨ នៅតាមផ្លូវភ្នំពេញហានូយ ភូមិឃ្មួញ សង្កាត់ក្មួញ ខណ្ឌសែនសុខ។
រថយន្តដឹកទឹកកកខាងលើ ម៉ាកហីយ៉ាន់ដាយ ពណ៌ស មិនទាន់មានស្លាកកលេខ។ ដោយឡែករថយន្ត ដែលបានត្រូវគេបើកកៀរម៉ាកហីយ៉ាន់ដាយ ពាក់ស្លាកលេខភ្នំពេញ២Z-២៥៣៤ ដឹកហ្គាស។
តាមប្រភពព័ត៌មាន បានឲ្យដឹងថា មុនពេលកើតហេតុគេឃើញ រថយន្តទាំងពីរ បានធ្វើដំណើរតាមផ្លូវភ្នំពេញហានូយទិសដៅពីត្បូងទៅជើង ហើយរថយន្តដឹកទឹកកក ក៏បានបើកជែងរថយន្តមួយគ្រឿងទៀតតែមិនផុត ក៏កៀររថយន្តដឹកហ្គាសខាងលើ បណ្តាលឲ្យឡើងចិញ្ចើមផ្លូវជ្រុលទៅបុករបងគេ។
ក្រោយពេលកើតហេតុ រថយន្តបង្កក៏បានសម្រួល និងជួយជួសជុលខូចខាតរបងផងដែរ ចំណែកភាគីម្ខាងទៀត រង់ចាំដោះស្រាយគ្នានៅពេលក្រោយ ៕
មតិយោបល់