បន្ទាយមានជ័យ: កាលពីយប់ថ្ងៃទី២៩ ខែវិច្ឆិកា ឆ្នាំ២០១៨ មានករណីយុវតីម្នាក់ បានធ្វើអត្តឃាតដោយចង.កសម្លាប់ខ្លួន នៅក្នុងបន្ទប់ជួលមួយកន្លែង នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ជនរងគ្រោះមានឈ្មោះ ផាន់ ស្រីនិច អាយុ១៦ឆ្នាំ ស្នាក់នៅចំណុចកើតហេតុ មានទីលំនៅភូមិតាអិន ឃុំស្រះរាំង ស្រុកមង្គលបូរី ខេត្តបន្ទាយមានជ័យ។
ចំពោះមូលហេតុ ដោយសារជនរងគ្រោះខឹងម្តាយស្តីបន្ទោសតាមទូរស័ព្ទពីប្រទេសថៃ រឿងមានសង្សារ ហើយបន្សល់ទុកលិខិតបណ្តាំមួយនៅកន្លែងកើតហេតុ។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើកោសល្យវិច័យ រួចសន្និដ្ឋានថា ជនរងគ្រោះចង.កធ្វើអត្តឃាតសម្លាប់ខ្លួនពិតប្រាកដមែន។
ចំណែកសាកសព ត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់