ព្រៃវែង: កាលពីវេលាម៉ោង១និង៣០នាទីយប់ រំលងអធ្រាត្រឈានចូលថ្ងៃទី៣០ ខែវិច្ឆិកា ឆ្នាំ២០១៨ មានករណីគ្រោះថ្នាក់ចរាចរណ៍មួយបានកើតឡើង ដោយមានបុរសម្នាក់ បើកម៉ូតូម៉ាក វ៉េវ ពណ៌ក្រហម គ្មានស្លាកលេខ ក្នុងល្បឿនលឿនមានស្ថានភាពស្រវឹង រួចដួលបោកក្បាលនឹងថ្នល់ បណ្តាលឲ្យស្លាប់ភា្លមៗនៅនឹងកន្លែង នៅខាងកើតរង្វង់មូលវត្តរោងដំរី ភូមិលេខ៦ សង្កាត់កំពង់លាវ ក្រុងព្រៃវែង ខេត្តព្រៃវែង។
ជនរងគ្រោះមានឈ្មោះ គន្ធ វុទ្ធី ភេទប្រុស អាយុ២៥ឆ្នាំ ជាកូនប្រធានមន្ទីរសេដ្ឋកិច្ចខេត្តព្រៃវែង ស្នាក់នៅភូមិជើងទឹក.ក សង្កាត់ជើងទឹក ក្រុងព្រវែង ខេត្តព្រៃវែង។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ បានធ្វើការវាស់វែង និងកំណត់ហេតុ រួចប្រគល់សាកសពឲ្យទៅក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់