កំពង់ស្ពឺ: យោងតាមផេក អគ្គនាយកដ្ឋានកាំកុងត្រូលបានឲ្យដឹងថា នៅថ្ងៃទី៧ ខែធ្នូ ឆ្នាំ២០១៨ មន្ត្រីសាខាកាំកុងត្រូលខេត្តកំពង់ស្ពឺ ដោយមានកិច្ចសហការពី មន្ត្រីមន្ទីរពាណិជ្ជកម្ម អាជ្ញាធរដែនដី និងគណ:កម្មការផ្សារ បានចុះទៅធ្វើការអង្កេតទីផ្សារដែលស្ថិតក្នុងស្រុកភ្នំស្រួច មានផ្សារត្រពាំងក្រឡឹង និងផ្សារតាឡាត់ ដោយពិនិត្យលើប្រក្រតីភាព និងអនុលោមភាព នៃទំនិញដែលបានដាក់តាំងលក់នៅក្នុងផ្សារទាំង២។

ជាលទ្ធផល មន្ត្រីជំនាញបានរកឃើញការដាក់តាំងលក់នូវផលិតផលដែលមានសភាពខុសប្រក្រតី និងបានធ្វើការដកហូតទៅតាមនីតិវិធី ទុកសម្រាប់ធ្វើការកម្ទេចចោលរួមមាន ៖
– នំចម្រុះ ចំនួន ១០.៦០ គីឡូក្រាម
– មៀន ១ កំប៉ុង ចំណុះ ០.៥០ គីឡូក្រាម
– ត្រីខ ២ កំប៉ុង ចំណុះសរុប ៦០០ ក្រាម
– បបរ ១ កំប៉ុង ចំណុះ ៥០០ មីលីលីត្រ
– ស្ពៃ ១ កំប៉ុង ចំណុះ ៤០០ ក្រាម
– ប័រ ១៦ កំប៉ុង ចំនួនសរុប ២.២ គីឡូក្រាម
សរុបចំនួន ១៤.៥០ គីឡូក្រាម ។

មិនតែប៉ុណ្ណោះ មន្ត្រីជំនាញក៏បានណែនាំដល់អាជីវករ ឲ្យយល់ដឹងអំពីការដាក់លក់ចំណីអាហារឲ្យមានអនាម័យ ជៀសវាងធ្វើឲ្យផលិតផលខូចគុណភាព មានចម្លងមេរោគ ដែលនាំឲ្យប៉ះពាល់ដល់សុខភាពអ្នកបរិភោគ៕