កណ្ដាល: នៅវេលាម៉ោង៩ព្រឹក ថ្ងៃទី១០ ខែធ្នូ ឆ្នាំ២០១៨ មានករណីក្មេងស្រី២នាក់បងប្អូនលង់ទឹកប្រឡាយស្លាប់យ៉ាងអាណោចអាធ័ម នៅក្នុងភូមិទួលសេរី ឃុំទួលព្រេជ ស្រុកអង្គស្នួល ខេត្តកណ្តាល។
ក្មេងស្រីរងគ្រោះទាំង២នាក់ ទី១មានឈ្មោះ ប៉ិច រក្សា ភេទស្រី អាយុ៩ឆ្នាំ និងទី២ឈ្មោះ ប៉ិច រម្យនា ភេទស្រី អាយុ៤ឆ្នាំ។
មូលហេតុ តាមម្ដាយមីងរបស់ខ្លួនយកបាយសម្លទៅឲ្យម្ដាយឪពុកកំពុងច្រូតស្រូវនៅឯបឹង ខណ:ដែលម្ដាយឪពុកក្មេងស្រីរងគ្រោះរវល់ដើរសម្អាងការ រួចយកកូនស្រីរបស់ខ្លួន(ក្មេងស្រីរងគ្រោះ)ទៅផ្ញើម្ដាយឪពុកនៅភូមិឃុំកើតហេតុ។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ និងធ្វើការពិនិត្យសាកសពឃើញថា ក្មេងស្រីរងគ្រោះពិតជាស្លាប់ដោយសារលង់ទឹកប្រាកដមែន។ ក្រោយពីធ្វើការពិនិត្យរួច សមត្ថកិច្ចបានប្រគល់សាកសពក្មេងស្រីរងគ្រោះទាំង២នាក់ឲ្យក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់