បន្ទាយមានជ័យ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ផ្ទះមួយខ្នងជញ្ជាំងស័ង្កសី ដំបូលស័ង្គសីទំហំ៧ម៉ែត្រគុណ៨ម៉ែត្រ បានក្លាយជាចំណីអគ្គិភ័យ ខណ:ពេលម្ខាស់ផ្ទះបិទទ្វារចាក់សោររួចដើរចេញទៅក្រៅ។ ហេតុការណ៍បង្កឲ្យមានការភ្ញាក់ផ្អើលនេះ បានកើតឡើងនៅវេលាម៉ោង១១និង២០នាទីព្រឹកថ្ងៃទី១០ ខែធ្នូ ឆ្នាំ២០១៨ នៅភូមិត្បែង ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ។
ម្ចាស់ផ្ទះកើតហេតុមានឈ្មោះ ស៊ុន សាង អាយុ៣០ឆ្នាំ ត្រូវជាប្ដី មានមុខរបរធ្វើស្រែចម្ការ។ ចំណែកប្រពន្ធឈ្មោះ សំ ណាងសឿត អាយុ៣២ឆ្នាំ មុខរបរជាគ្រូបង្រៀន។
ក្រោយពីទទួលបានព័ត៌មាន ពីអគ្គិភ័យឆាបឆេះផ្ទះ លោកបានដឹកនាំ កម្លាំងនគរបាលស្រុក និង រួមទាំងយករថយន្តពន្លត់អគ្គិភ័យរបស់អធិការដ្ឋាននគរបាលស្រុកមួយគ្រឿង រួមទាំងកម្លាំងនគរបាលប៉ុស្តិ៍ ប្រជាពលរដ្ឋ នៅមូលដ្ឋានដឹកទឹកតាមគោយន្ត ជួយអន្តរាគមន៍បាញ់ទឹកពន្លត់ តែដោយភ្លើងឆាបឆេះខ្លាំង យើងមិនអាចជួយសង្គ្រោះផ្ទះនោះបាន ប៉ុន្តែយើងអាចទប់ស្កាត់ មិនឲ្យភ្លើងឆេះរាលដាលទៅផ្ទះផ្សេង។
នៅក្នុងករណីនេះ គឺមិនបណ្តាលឲ្យមានមនុស្សរងរបួសនោះទេ ខូចខាតតែផ្ទះទៀមសង់ផ្ទាល់ដីមួយខ្នងទំហំ៧ម៉ែត្រគុណ៨ម៉ែត្រ ជញ្ជាំងស័ង្កសី ដំបូលស័ង្កសី និងសម្ភារ: ទ្រព្យសម្បត្តិនៅក្នុងផ្ទះ មាន៖ខ្សែដៃមួយខ្សែតម្លៃ១៥០០០បាត, ជញ្ជៀន១វង់ តម្លៃ១៥០០បាត, ប្រាក់ថៃ២ម៉ឺនបាត, នឹងប្រាក់ខ្មែរចំនួន២លានរៀល,ទូរដាក់ខោអាវ១,គ្រែដេក១, កង់១, ស្រូវ៨០០គីឡូ, អង្ករ១០០គីឡូ។
តាមការសាកសួរបំភ្លឺពីស្ត្រីជាម្ចាស់ផ្ទះ បានប្រាប់ថា៖ មុនពេលកើតហេតុ គាត់បានចាក់សោផ្ទះ រួចដើរចេញទៅក្រោមួយភ្លេត ស្រាប់តែមានគេប្រាប់ថា៖ភ្លើងឆេះផ្ទះ ដោយការភ័យស្លន់ស្លោរចាក់សោ មិនបាន ក៏បណ្តាលឲ្យភ្លើងឆាបឆេះសន្ធោរសន្ធៅឡើង ចំណែកប្តីឯប្តីរបស់គាត់រវល់ទៅចម្ការ។
ជាមួយនឹងការកើតមានអគ្គិភ័យនេះ លោកវរសេនីយ៍ឯក មាស ប្ញទ្ធី អធិការនគរបាលស្រុកក៏បានអំពាវនាវ ដល់បងប្អូនប្រជាពលរដ្ឋ ត្រូវតែមានការប្រុងប្រយ័ត្ន ខ្ពស់ មុនចេញទៅណាត្រូវបិទគុបភ្លើង ប្រើជើងចង្ក្រានហ្គាសឬអុស-ធ្យូង ត្រូវពន្លត់ឲ្យរលត់ជាមុនសិន។ជាក់ស្តែងដូចផ្ទះមួយខ្នងនេះ គ្រាន់តែម្ចាស់ឆ្វែសប្រហែស តែមួយពព្រិចភ្នែក ក៏កើតមានមហន្តរាយកើតឡើងដោយសារតែទុស្សេខ្សែភ្លើង ៕
មតិយោបល់