សៀមរាប: យោងតាមផេកហ្វេសប៊ុក របស់អគ្គស្នងការដ្ឋាននគរបាលជាតិ បានឲ្យដឹងថា កម្លាំងនគរបាលការពារបេតិកភណ្ឌបានសហការជាមួយ កម្លាំងនគរបាលទេសចរណ៍ និងអាជ្ញាធរអប្សរា បានជួយសង្គ្រោះជន ជាតិកូរ៉េម្នាក់ ដែលបានឡើងទៅជាន់ទី៣ខាងជើង ឈៀងខាងលិចនៃប្រាសាទបាយ័ន ប៉ុស្តិ៍ការពារទី១០ បានដើរចុះពីជណ្តើរមិនប្រយ័ត្ន ក៏ដួលហើយបណ្តាលឲ្យគ្រេចកជើងខាងស្តាំ កាលពីថ្ងៃទី១៥ ខែធ្នូ ឆ្នាំ២០១៨ វេលាម៉ោង១១និង១៥នាទីព្រឹក ។
ជនជាតិកូរ៉េរងគ្រោះដែលជាភ្ញៀវទេសចរណ៍មានឈ្មោះ LEE MIJA ភេទស្រី អាយុ៤៨ឆ្នាំ។
ករណីខាងលើនេះ កម្លាំងសមត្ថកិច្ច បានសហការ ជាមួយភ្នាក់ងារ អាជ្ញាធរអប្សរា និងនគរបាលទេសចរណ៍ ហៅរថយន្តសង្គ្រោះ ហើយសែងគាត់ ចុះដឹកទៅមន្ទីរពេទ្យជាតិរ៉ូយ៉ាល់អង្គរ៕
មតិយោបល់