ខុនដូ Sky Tree កម្ពស់ ៣២ជាន់ គ្រោងនឹងបញ្ចប់នៅដើមឆ្នាំ ២០១៩ ខាងមុខនេះ។​

Sky Tree ត្រូវបានវិនិយោគដោយក្រុមហ៊ុន​ J & L Property Development Co,.LTD ជាមួយនឹងទំហំទឹកប្រាក់វិនិយោគ ២៥០លានដុល្លារអាមេរិក ដែលនេះជាគម្រោងទី១ របស់ក្រុមហ៊ុនផងដែរ។

គម្រោងនេះមាន ៣អគារ កម្ពស់ ៣២ ជាន់ នឹងសាងសង់ឡើងលើផ្ទៃដីទំហំ​ប្រមាណជាង ៨ម៉ឺនម៉ែត្រការ៉េ និងមានបន្ទប់ស្នាក់នៅសរុបចំនួន ១១០៤យូនីត។

បើតាមបទសម្ភាសន៍រវាង Post Real Estate និងកញ្ញា អេនណា ជំនួយការអ្នកគ្រប់គ្រងនៃគម្រោង បានឲ្យដឹងថា គម្រោងនេះបច្ចុប្បន្នដំណើរការសាងសង់បានប្រមាណជា ៣០ភាគរយហើយ ដែល គ្រោងបញ្ចប់នៅ ដើមឆ្នាំ ២០១៩ខាងមុខនេះ។

គួរបញ្ជាក់ផងដែរថា គម្រោងនេះជាបណ្តុំនៃ ផ្សារទំនើប កន្លែងស្ទីម ស្ប៉ា ជាដើម និងជាពិសេស មានកន្លែងសម្រាប់ចតឧទ្ធម្ភាគចក្រ និងស្កាយបារ នៅជាន់ខាងលើផងដែរ៕