Jurgen Klopp អ្នកចាត់ការក្រុម Liverpool បានប្រាប់ទៅអ្នកគាំទ្រថាឱ្យបំភ្លេចរឿងអតីតកាលចោលទៅ ហើយរដូវកាលនេះក្រុមហង្សក្រហមមានសមត្ថភាពគ្រប់គ្រាន់ក្នុងការដណ្ដើមយកពានរង្វាន់លីគកំពូលអង់គ្លេសបាន។
ក្រុម Liverpool ខកខានលើកពានរង្វាន់លីគកំពូលអង់គ្លេសតាំងពីឆ្នាំ១៩៩០មក ដោយតែងតែមានឱកាសប៉ុន្តែធ្វើមិនបានសម្រេចឡើយ ដោយបានត្រឹមជើងឯករងឬ Top4 ប៉ុណ្ណោះ។ យ៉ាងណាមិញ ក្រោមការដឹកនាំរបស់ Klopp តាំងពីខែតុលាឆ្នាំ ២០១៥មក ក្លឹបមួយនេះហាក់មានឆន្ទ:ឡើងវិញ ដូចជារដូវកាលនេះជាដើម កំពុងតែមានការប្រកួតប្រជែងខ្លាំងក្នុងតំណែងលេខ១កំពលតារាង។
អ្នកចាត់ការសញ្ជាតិអាល្លឺម៉ង់រូបនេះ បាននិយាយថា៖ “យើងតែងតែស្រលាញ់ដល់កីឡាករទាំងអស់ដែលលេងនៅទីនេះតាំងពីអតីតកាលមក។ យើងមិនអាចធ្វើការងាររបស់ពួកគេបានទេ ប៉ុន្តែយើងអាចធ្វើការងាររបស់យើងបាន។ យើងមិនមែននៅក្នុង២៥ឆ្នាំមុនទេ យើងនៅជាមួយបច្ចុប្បន្ន ដូច្នេះយើងត្រូវតែធ្វើវា។ ខ្ញុំជឿជាក់ថាយើងមានសមត្ថភាពគ្រប់គ្រាន់ក្នុងការគ្រងជើងឯក”។
ក្រុម Liverpool ឈរនៅចំណាត់ថ្នាក់លេខ២ក្នុងតារាងលីគកំពូលអង់គ្លេសរដូវកាលនេះ ដោយតាមក្រោមក្រុមលេខ១ Chelsea ចំនួន៦ពិន្ទុ ខណ:ដែលការប្រកួតទើបតែបាន១៧ប្រកួតប៉ុណ្ណោះ៕
មតិយោបល់