ក្លឹប Manchester United បានដាក់គោលដៅទិញយកខ្សែការពារ Jose Gimenez របស់ក្រុម Altletico Madrid នៅរដូវក្ដៅខាងមុខនេះ។
ប៉ុន្មានថ្ងៃមកនេះ ដំណឹងដែលថា Man Utd ចង់បានខ្សែប្រយុទ្ធ Neymar មានកាន់តែច្រើនឡើង រហូតដល់ធ្លាយតម្លៃខ្លួនដល់ទៅជាង១០០លានផោនឯណោះ។ ចំពោះរឿងនេះ លោក Jose Mourinho បានចេញមុខមកបញ្ជាក់ថាគ្មានហេតុផលអ្វីដែលលោកត្រូវចំណាយលុយច្រើនដើម្បីទិញយកកីឡាករម្នាក់នេះទេ ហើយកីឡាករប្រេស៊ីលរូបនេះក៏អាចនឹងមិនចាកចេញពីអេស្ប៉ាញដែរ។
ទន្ទឹមគ្នានឹងការបដិសេធនេះដែរ ក្រុមបិសាចក្រហមក៏មានលេចឮដំណឹងជាថ្មីថាកំពុងតែចរចានាំយកខ្សែការពារទៅវិញ ដោយម្នាក់នោះមានឈ្មោះថា Jose Gimenez របស់ក្រុម AT Madrid ។ កីឡាករជម្រើសជាតិអ៊ុយរុយហ្គាយខាងលើនេះទើបតែមានវ័យ២២ឆ្នាំប៉ុណ្ណោះ ប៉ុន្តែទទួលបានការទុកចិត្តយ៉ាងខ្លាំងពីសំណាក់លោក Simeone ឱ្យចូលលេងជម្រើស១១នាក់ដំបូងច្រើនក្នុងរដូវកាលនេះ៕
មតិយោបល់