ព័ត៌មានកីឡា

Arsenal ៖ Hector Bellerin មិនមែនសម្រាប់លក់ឡើយ

ក្រុមកាំភ្លើងធំ Arsenal បានផ្ញើសារមួយយ៉ាងខ្លីទៅកាន់ក្លិប Barcelona ថា៖ ខ្សែការពារ Hector Bellerin មិនមែនទុកសម្រាប់លក់នៅរដូវក្តៅនេះឡើយ។

Independent News បានចុះផ្សាយនៅក្នុងអត្ថបទ ពត៌មានរបស់គេថា៖ ក្រុមកាំភ្លើងធំ Arsenal បានបដិសេធ នៅក្នុងសំណើររបស់ក្លិបអ្នកមានបុណ្យ Barcelona ក្នុងការចង់បានខ្សែការពារ Hector Bellerin។ បើទោះបីជា ក្រុមអ្នកមានបុណ្យ Barcelona ចង់បាន ខ្សែការពាររូបនេះ ក៍ដោយ ក៍ប៉ុន្តែ Arsenal នៅមិនទាន់ចង់បាត់បង់កីឡាកររូបនេះឡើយ ព្រោះថា តារារូបនេះ មានទម្រង់លេងយ៉ាងល្អ នាពេលបច្ចុប្បន្ននេះ។ យ៉ាងណាក៍ដោយ Arsenal បានប្រាប់ទៅកាន់សារពត៌មានជាច្រើនថា ក្លិបនឹងមិនលក់ Hector Bellerin ឡើយ ថ្វីបើ Barcelona ចង់បានក៍ដោយ ព្រោះ Arsenal កំពុងតែត្រូវការខ្សែការពារយ៉ាងចាំបាច់បំផុត។

បើទោះបីក្រុមកាំភ្លើងធំ បានធ្វើការបដិសេធ យ៉ាងនេះក្តី តែខាងសារពត៌មានជាច្រើន ជាពិសេសអ្នកគាំទ្រក្លិបបានផ្ទាល់ជឿជាក់ថា មិនយូរមិនឆាប់ទេ Arsenal នឹងលក់ Hector Bellerin ឲ្យទៅ Barcelona ជាក់ជាមិនខាន។ ការអះអាងបែបនេះ ដោយសារតែពួកគេ បានមើលឃើញពីមេរៀនចាស់ ដែល Arsenal ធ្លាប់បដិសេធលក់ Therry Henry ទៅ Barcelona តែនៅពេលបានថ្លៃ​ គឺលក់ចេញតែម្តង។ ដូច្នេះ ហើយ Hector Bellerin នឹងក្លាយជានុយរបស់ Arsenal បន្តទៀត ដើម្បីឲ្យ Barcelona ហ៊ានតម្លើងថ្លៃចរចារ ប្រសិនបើក្លិបយក្សអេស្ប៉ាញនេះ ចង់បាន Hector Bellerin ។

មតិយោបល់