ព័ត៌មានកីឡា

គ្រូវៀតណាម៖ ជំនួបជាមួយកម្ពុជាមិនមែនងាយស្រួលសម្រាប់យើងឡើយ

លោក Mai Duc Chung ដែលជាគ្រូបង្វឹកដឹកនាំសម្រាប់ជំនួបជាមួយកម្ពុជា មានការគោរពយ៉ាងខ្លាំងចំពោះក្រុមគោព្រៃ នឹងកំពុងទន្ទឹងរង់ចាំមើលអាចទទួលជ័យជម្នះក្នុងវគ្គជម្រុះព្រឹត្តិការណ៍ Asian Cup ឆ្នាំ 2019 នៅថ្ងៃទី ១០ ខែតុលា។

បុរសអាយុ ៦៦ឆ្នាំ បាននិយាយថា៖ «ថ្មីៗនេះកីឡាបាល់ទាត់កម្ពុជាបានបង្ហាញពីការរីកចម្រើនគួរឱ្យកត់សម្គាល់ដូច្នេះខ្ញុំចង់និយាយថាពួកគេមិនអាចចាត់ទុកថាជាក្រុមដែលទន់ខ្សោយទៀតទេ។ វាពិតជាលំបាកណាស់សម្រាប់យើង។ យើងត្រូវគោរពដល់គូប្រជែងរបស់យើង»។ “កាលពីថ្ងៃទី០៥ ខែកញ្ញា វៀតណាម បានយកឈ្នះ កម្ពុជា ដោយលទ្ធផល ២ទល់១ នាពហុកីឡដ្ឋានជាតិ ក្នុងរាជធានីភ្នំពេញ ហើយពេលនេះយើងសង្ឃឹមថានឹងមានមោទនភាព នៅក្នុងការប្រកួតនាទឹកដីរបស់វៀតណាមម្តងទៀត”។ នេះបើយាងតាមវេបសាយវៀតណាម Dan Tri។

សូមបញ្ជាក់ថា ក្រុមជម្រើសជាតិវៀតណាម ដែលមានកីឡាករចំនួន ២៦ នាក់ បានរៀបចំវគ្គហ្វឹកហាត់ចាប់ពីថ្ងៃទី០៣ ខែតុលា មកម្លេះ ពោលគឺមួយសប្តាហ៍ មុនការប្រកួតជាមួយប្រទេសកម្ពុជា៕

មតិយោបល់