លោក Leonardo Vitorino គ្រូបង្វឹកសញ្ជាតិកម្ពុជាបានរក្សាក្តីសង្ឃឹមដ៏ខ្ពស់របស់ខ្លួនទោះបីជាទទួលបរាជ័យ ៣-១ ជាមួយ ឥណ្ឌូនេស៊ី កាលពីថ្ងៃពុធក៏ដោយ។

គ្រូប្រេសុីល បាននិយាយនៅក្នុងសន្និសីទកាសែតក្រោយការប្រកួតថា៖ «គោលដៅរបស់ខ្ញុំនៅក្នុងការប្រកួតនេះគឺដើម្បីពិនិត្យមើលកីឡាករ។ យើងបានប្រើកីឡាករវ័យក្មេងមួយចំនួននៅថ្ងៃនេះ។ រាល់ពេលដែលខ្ញុំនិយាយទៅកាន់ប្រទេសកម្ពុជាថាយើងកំពុងសម្លឹងមើលទៅអនាគត ពីព្រោះយើងដឹងពីកម្រិតលីគរបស់យើង វាមិនធំទេដូច្នេះយើងត្រូវការពេលវេលា»។

“ខ្ញុំគិតថាកីឡាករចាប់ផ្តើមធ្វើអ្វីដែលខ្ញុំកំពុងចង់បានហើយ។ ខ្ញុំចង់ឱ្យកីឡាករលេងបាល់ទាត់ព្យាយាមវាយសំរុកនិងរក្សាបាល់។ ថ្ងៃនេះយើងលេងជាមួយក្រុមជម្រើសជាតិឥណ្ឌូនេសុី។ ពួកគេមានកីឡាករខ្លាំងៗ ដោយសារពួកគេមានលីគដ៏រឹងមាំ។ “យើងបានចាញ់គេពីរគ្រាប់ប៉ុន្តែយើងបានរក្សានិងព្យាយាមគ្រប់គ្រងបាល់បានច្រើន។ យើងមិនបានលេងដើម្បីប្រកួតប្រជែងទេមិនមែនដើម្បីធ្វើឱ្យកីឡាកររងរបួសទេនៅពេលយើងលេងបាល់ទាត់។ នេះជាអ្វីដែលខ្ញុំចង់បាន។

ម្យ៉ាងវិញទៀតបុរស់វ័យ ៤៣ឆ្នាំ ក៏បានទទួលស្គាល់ថាការប៉ះគ្នាជាមួយនឹងវៀតណាមនៅសប្តាហ៍ក្រោយនឹងមានភាពខុសគ្នាទាំងស្រុង។ “សម្រាប់ការប្រកួតនៅវៀតណាមវាខុសគ្នាទាំងស្រុងព្រោះខ្ញុំបានប្រើជំនួបនេះដើម្បីសាកល្បងស្ថានភាពខ្លះ ដែលខ្ញុំអាចប្រើជាមួយវៀតណាម។ ស្ថានភាពមួយចំនួនល្អ, ខណ:ដែលស្ថានភាពខ្លះមិនដំណើរការ”។

“ប្រាកដណាស់យើងនឹងធ្វើការផ្លាស់ប្តូរខ្លះៗប៉ុន្តែមិនច្រើនទេដូចដែលយើងត្រូវការដើម្បីរក្សាក្រុមមួយជាមួយគ្នាហើយយើងត្រូវតែរក្សាការធ្វើការជាក្រុម។ ពួកគេដឹងពីអ្វីដែលខ្ញុំចង់បាន ខ្ញុំមិនអាចផ្លាស់ប្តូរគ្រប់ពេលនោះទេ នេះជារឿងសំខាន់”៕