ក្រុមបីសាចក្រហម​ Manchester United បានបដិសេធ មិនលក់ Anthony Martial ម្តងរួចមកហើយឲ្យក្រុម កាំ​ភ្លើងធំ Arsenal តែ Man Utd បែរជាលេងល្បែងដោះដូរ​កីឡាករជាមួយក្រុម Barcelona ដោយយក Martial ដូរជាមួយ Ivan Rakitic ត្រឡប់មកវិញ។

នេះគឺជារឿង ដ៍ភ្ញាក់ផ្អើលមួយ សម្រាប់អ្នកគាំទ្រក្រុម​បីសាចក្រហម Manchester United ខណ:លោក Jose Mourinho ចង់បោះបង់តារាដែលកំពុងរះរបស់ Man Utd ចោល។ ជាក់ស្តែងណាស់ បើតាមការចុះផ្សាយ​របស់ The Sun បានឲ្យដឹងថា Man Utd កំពុងតែចង់បានខ្សែបម្រើក្រូអាត របស់ក្រុមអ្នកមានបុណ្យ Barcelona គឺកីឡាករ Ivan Rakitic ដោយយល់ព្រម​ដូរកីឡាករវ័យក្មេងបារាំង Anthony Martial ឲ្យ Barcelona វិញ។ Man Utd បានបដិសេធលក់ Martial ឲ្យ Arsenal មិនមែនមានន័យថា ក្លិបមួយនេះ ចង់រក្សាទុកកីឡាករបារាំង ដែលកំពុងតែបង្ហាញខ្លួនយ៉ាងល្អ ក្នុងទីលានរូបនេះឡើយ។

ផ្ទុយមកវិញ Man Utd បែរជាយក Martial ធ្វើជានុយ ដើម្បីចាប់យក កីឡាករ Ivan Rakitic មកវិញ ដែលនេះបង្ហាញឲ្យឃើញថា Man Utd ចង់បានកីឡាករក្រូអាត រូបនេះ ជាង Martial ទៅទៀត។ គួរបញ្ជាក់ផងដែរថា កាលពីដើមរដូវកាលមុន Martial បានធ្លាយពត៌មាន ពីការចាកចេញម្តងរួចមកហើយ តែកីឡាកររូបនេះ​ មិនបានចាកចេញឡើយ បន្ទាប់ពីលោក Jose Mourinho បានផ្តល់ឱកាសឲ្យ Martial លេងបាន​ច្រើនក្នុងទីលាន។ យ៉ាងណាវិញ សម្រាប់ពេលនេះ Anthony Martial ប្រហែលជាមិនអាចបន្តនៅ Old Trafford បានទៀតឡើយ ព្រោះថា ក្លិបថដែល Man Utd ចង់ផ្លាស់ប្តូររូបគេយក Ivan Rakitic នោះ គឺជាក្លិបយក្សដ៍ធំមួយក្នុងពិភពលោក ដែលរូបគេក៍មានបំណងចង់លេងនៅទីនោះផងដែរ។

ម្យ៉ាងវិញទៀតនោះ ការទៅលេងនៅ Barcelona កីឡាករវ័យក្មេងបារាំងរូបនេះ អាចមានសង្ឃឹមលេងក្នុងជម្រើស ១១នាក់ជាងនៅ Man Utd ហើយប្រហែលជា Martial អាចជាប់ជម្រើសជាតិបារាំងលើកដំបូងក៍ថាបានដែរ។