ថ្វីបើខ្សែប្រយុទ្ធស្លាប Mohamed Salah ផ្ទេរមកកាន់ក្រុមហង្សក្រហម Liverpool ពីក្រុម Roma មកមិនថ្លៃ ដូចខ្សែប្រយុទ្ធអេស្ប៉ាញ Alvaro Morata ពី Real Madrid មក Chelsea និង Romelu Lukaku ពី Everton មក Manchester United ក៍ដោយ តែកីឡាករអេហ្ស៊ីប រូបនេះ ហាក់ទទួលបានជោគជ័យខ្លាំង​ជាងទៅវិញ។

ជាក់ស្តែងណាស់ គិតត្រឹមសប្តាហ៍ទី១៤ កន្លងមកនេះ Mohamed Salah ស៊ុតបាន ១២គ្រាប់ហើយហើយឲ្យក្រុមហង្សក្រហម Liverpool ដែលជាគ្រាប់បាល់ស៊ុតច្រើនជាងគេ នៅរដូវកាលនេះ តាមពីក្រោយដោយ ម្ចាស់ស្បែកជើង២រដូវកាលជាប់គ្នា Harry Kane របស់ក្រុម Tottenham ដែលស៊ុតបាន ១០គ្រាប់។ ក្រៅពីនេះកីឡាករដែលស៊ុតបាន ៩គ្រាប់ មាន២រូប ដែលសុទ្ធសឹងមកពីក្រុមកំពូលតារាង Manchester City គឺកីឡាករ Sergio Aguero និង Raheem Sterling ។

ចំណែកខ្សែប្រយុទ្ធដែលមានប្រជាប្រិយភាព ក្នុងរដូវកាលដោះដូរកីឡាករ កាលពីរដូវក្តៅកន្លងមក Alvaro Morata និង Romelu Lukaku ស៊ុតបាន៨គ្រាប់ដូចគ្នា ស្របពេលដែលកីឡាករវ័យក្មេង Gabriel Jesus របស់ Man City ស៊ុតបាន៨គ្រាប់ដែរ។ ក្នុងនោះដែរ ខ្សែប្រយុទ្ធចំណូលថ្មី Alexandre Lacazette របស់កាំភ្លើងធំ Arsenal , ខ្សែប្រយុទ្ធ Wayne Rooney និង Jemie Vardy ស៊ុតបាន៧គ្រាប់ Alexis Sanchez និង Kevin de Bruyne ស៊ុតបាន ៤គ្រាប់ Anthony Martial ស៊ុតបាន ៦គ្រាប់ដែរ ខណ: Dele Alli និង Marcus Rashford ស៊ុតបានម្នាក់ ៣គ្រាប់។

ខាងក្រោមនេះ ជាកីឡាករ Top Scorer ទាំង១០រូបនៅ Premier League គិតត្រឹមសប្តាហ៍ទី១៤នេះ៖
១. Mohamed Salah ( Liverpool ) ១២គ្រាប់
២. Harry Kane ( Tottenham ) ១០គ្រាប់
៣. Sergio Aguero ( Man City ) ៩គ្រាប់
៤. Raheem Sterling ( Man City ) ៩គ្រាប់
៥. Gabriel Jesus ( Man City ) ៨គ្រាប់
៦. Romelu Lukaku ( Man Utd ) ៨គ្រាប់
៧. Alvaro Morata ( Chelsea ) ៨គ្រាប់
៨. Alexandre Lacazette ( Arsenal ) ៧គ្រាប់
៩. Wayne Rooney ( Everton ) ៧គ្រាប់
១០. Jemie Vardy ( Leicester City ) ៧គ្រាប់