Post News Media ព័ត៌មានកីឡា Chiangrai Uni...

Chiangrai United បានច្រានចោលពាក្យចចាមអារ៉ាមថានាំយក ចាន់ វឌ្ឍនាកា

លោក Mitti Tiyapairat ប្រធានក្លិប Chiangrai United បានច្រានចោលការពាក្យចចាមអារ៉ាមថាក្លិបនឹងចុះហត្ថលេខាលើកីឡាករកម្ពុជា ចាន់ វឌ្ឍនាកា សម្រាប់កីឡាកររបស់ខ្លួននៅក្នុងក្របខ័ណ្ឌថៃ(Thai League) នៅរដូវកាលក្រោយ។

យោងតាម ​​Goal Thailand លោក Mitti បានបញ្ជាក់ថាក្រុម Chiangrai United នឹងមិនប្រើប្រាស់កីឡាករអាស៊ានណាមួយឡើយនៅរដូវកាល ២០១៨ ដោយសារតែតម្រូវការកីឡាករបរទេស ដើម្បីមកបង្កើនក្រុម។ «ខ្ញុំត្រូវតែសរសើរសមាគមន៍កីឡាបាល់ទាត់និងក្លិបដទៃទៀតដែលមានបំណងបង្កើតអ្វីថ្មីៗ ដើម្បីពង្រីកមូលដ្ឋានអ្នកគាំទ្រ។ ដោយសារតែឥឡូវនេះ យើងជាលីគដែលមានគុណភាពខ្ពស់បំផុតទី ១០ នៅទ្វីបអាស៊ីនិងលេខ១ នៅអាស៊ាន ខ្ញុំយល់ស្របជាមួយគំនិតនេះ»។

«គោលការណ៍ដែលឲ្យមានកីឡាករអាស៊ានដែលរួមមានឡាវ ភូមា និងផ្សេងទៀត ខ្ញុំបានថ្លឹងថ្លែងលើបញ្ហានេះ។ ទោះបីជាយ៉ាងណាក៏ដោយយើងត្រូវតែទទួលស្គាល់ថាកីឡាករថៃមានគុណភាពខ្ពស់ជាងកីឡាករអាស៊ានទាំងនោះ»។ “ហើយគោលដៅនៃក្រុមរបស់យើងនៅរដូវកាលក្រោយគឺដើម្បីឈ្នះពានរង្វាន់ Thai League ដូច្នេះយើងត្រូវតែនាំយកកីឡាករបរទេស។ យើងត្រូវតែធ្វើឱ្យក្រុមប្រសើរឡើង។”

សូមបញ្ជាក់ថា ចាន់ វឌ្ឍនាកា នឹងវិលត្រឡប់មកកាន់ប្រទេសកម្ពុជាវិញក្រោយពីក្លិបនៅប្រទេសជប៉ុន Fujieda MYFC បានសំរេចចិត្តមិនបន្តកិច្ចសន្យារបស់គាត់៕

Loading...