ក្រុម Bayern Munich បានសម្រេចបំណងរបស់ពួកគេហើយ ក្នុងការសងសឹក​ក្រុមជើងខ្លាំងមកពីបារាំង Paris Saint Germain ក្នុងការប្រកួត UEFA Champion League យប់មិញនេះ។

ជាការពិតណាស់ Bayern Munich ធ្វើបានយ៉ាងល្អ ដោយអាចបំបាក់ក្រុម Paris Saint Germain ក្នុងលទ្ធផល ៣-១ វិញ។ ៣គ្រាប់របស់ក្រុម Bayern Munich រកបានដោយខ្សែប្រយុទ្ធ Robert Lewandowski ១គ្រាប់ស៊ុតបាននៅនាទីទី ៨ និងកីឡាករ Corentin Tolisso ស៊ុតបាន២គ្រាប់ នៅនាទីទី៣៧ និង ៦៩ ខណ:ក្រុម​ Paris Saint Germain អាចវាយបកបានវិញ ត្រឹម១គ្រាប់ប៉ុណ្ណោះ តាមរយ:ការស៊ុតរបស់ខ្សែប្រយុទ្ធវ័យក្មេង Kylian Mbappe នៅនាទីទី៥០។

គួរបញ្ជាក់ផងដែរថា ការយកឈ្នះ ៣-១ លើក្រុម Paris Saint Germain នេះដែរ គឺជាការសងសឹកមួយរបស់ក្រុម Bayern Munich ព្រោះថា​ កាលពីលេងក្នុងទឹកដីបារាំងលើកមុន​នោះ ក្រុម Paris Saint Germain បានលុតក្រុម Bayern Munich ក្នុងលទ្ធផល ៣-០ ។ យ៉ាងណាក៍ងោយ បើទោះបីជាក្រុម Bayern Munich បានបំបាក់ក្រុម Paris Saint Germain ក៍ដោយ តែក្រុមទាំង២ បានចាប់ដៃគ្នាឡើងទៅកាន់វគ្គបន្ត ខណ: Paris Saint Germain ឈរក្នុងនាមក្រុមកំពូលតារាង និងក្រុម Baryern Munich ឈរក្នុងនាមក្រុមលេខ២ ក្នុងពូល។

ដូច្នេះហើយ រង់ចាំមើលថា តើក្រុម Bayern Munich និង Paris Saint Germain បន្តទៅជួបក្រុមណាទៀត ក្នុងការប្រកួតនៅវគ្គ ១៦ក្រុម​ចុងក្រោយនោះ។

https://www.youtube.com/watch?v=MyPm_gyOR10