Post News Media ព័ត៌មានកីឡា ក្លិប Hebei C...

ក្លិប Hebei China Fortune បានផ្តល់ប្រាក់សប្តាហ៍យ៉ាងច្រើនឲ្យ Alexis Sanchez បើសិនព្រមមកចិន

ក្លិប Hebei China Fortune របស់ប្រទេសចិន បានសន្យាផ្តល់លុយយ៉ាងច្រើនឲ្យកីឡាករ Alexis Sanchez របស់ក្រុមកាំភ្លើងធំ Arsenal បើសិនព្រមមកចូលរួមនៅក្របខ័ណ្ឌ Chinese Super League នេះបើយោងតាមសេចក្តីរាយការណ៍របស់ The Sun ។

តាមរបាយការណ៍ថា Sanchez នឹងទទួលបានប្រាក់ខែ ៤០០,០០០ ផោនក្នុងមួយសប្តាហ៍ ប្រសិនបើគាត់យល់ព្រមចូលរួមជាមួយក្រុម Hebei China Fortune ដែលបច្ចុប្បន្នត្រូវបានដឹកនាំដោយគ្រូបង្វឹកសញ្ជាតិឈីលីលោក Manuel Pellegrini ។ ទោះបីជាយ៉ាងណាក៏ដោយកីឡាករវ័យ ២៨ ឆ្នាំនេះ មានបំណងចង់ជួបជុំជាមួយអតីតគ្រូបង្វឹកក្លិប Barcelona លោក Pep Guardiola នៅឯក្លិប Manchester City នៅពេលដែលគាត់ចាកចេញពីក្រុមកាំភ្លើងធំ។ Sanchez ដែលកិច្ចសន្យារបស់គាត់បានបញ្ចប់កាលពីខែមិថុនា បានបដិសេធមិនចុះហត្ថលេខាបន្តលើកិច្ចព្រមព្រៀងថ្មីទេ ដូច្នេះអាចចាកចេញពីក្លិបដែលមានមូលដ្ឋាននៅទីក្រុងឡុងដ៍ ដោយគ្មានតម្លៃខ្លួន នៅក្នុងរដូវក្តៅនេះ។

កីឡាករឈីលីរូបនេះ បានចូលរួមក្រុម Arsenal ដោយផ្លាស់មកពីក្លិប Barcelona ក្នុងឆ្នាំ ២០១៤ ដោយលេងបានបីរដូវកាលជាមួយនឹងក្លិបអេស្ប៉ាញ។ អតីតខ្សែបម្រើ Udinese រូបនេះ ស៊ុតបញ្ចូលទីបាន ៥៧ គ្រាប់ក្នុងការបង្ហាញខ្លួន ១១៧ លើក សម្រាប់ក្រុមដែលមានមូលដ្ឋាននៅទីក្រុងឡុងដ៍៕

Loading...