ក្រោយគ្រងតំណែងជើងឯកលីគកំពូលកម្ពុជា រដូវកាល២០១៧ ក្រុមបាល់ទាត់ បឹងកេត ទទួលបានកៅអីទៅលេងពានរង្វាន់ AFC Cup 2018 វគ្គចែកពូល ដែលស្ថិតនៅក្នុងពូល F ខណ:ដែលគ្រូបង្វឹកក្លិបលោក ហៅ សុជាតិ មិនអាចដឹកនាំក្រុមខ្លួនទៅចូលរួមបានទេ ។
ដោយសារតែ គោលការណ៍របស់ AFC តម្រូវឲ្យគ្រូបង្វឹកត្រូវមានកម្រិត គ្រូ កម្រិត A License ចំណែកឯលោក ហៅ សុជាតិ មានត្រឹមតែកម្រិត B License ដូច្នេះគាត់មិនអាចដឹកនាំក្រុមដំណាងប្រទេសកម្ពុជាមួយនេះ ទៅចូលរួមក្នុងពានរង្វាន់ AFC Cup 2018 បានទេ។ ជាការពិតណាស់ បឹងកេត ត្រូវស្វែងរកគ្រូថ្មី ឫមានដំណោះស្រាយអ្វីឲ្យបានមុនការប្រកួតមកដល់។
សូមជំរាបថា ក្នុងពូល F ជាមួយ បឹងកេត មានក្រុម Ceres–Negros (របស់ហ្វីលីពីន), Home United (សិង្ហបុរី) និង Shan United (មីយ៉ាន់ម៉ា)។ ក្រុមនីមួយៗក្នុងពូល មានឱកាសជួបគ្នាចំនួនពីរជើង ដោយធ្វើឡើងក្នុងទឹកដីម្នាក់ម្ដង ហើយការប្រកួតគ្រោងចាប់ផ្ដើមពីថ្ងៃទី១៣ ខែកុម្ភ: ដល់ថ្ងៃ២៥ ខែមេសា ឆ្នាំ២០១៨៕
មតិយោបល់