ព័ត៌មានកីឡា

Liverpool យកលុយលក់ Coutinho ទិញកីឡាករឆ្នើមមួយរូប

ក្រុមហង្សក្រហម Liverpool កំពុងតែចាប់ផ្តើមយកលុយដែលបានពីការលក់ ខ្សែបម្រើប្រយុទ្ធប្រេស៊ីល Philippe Coutinho ទៅទិញ​កីឡាករថ្មី ដើម្បីជំនួសតំណែងកីឡាកររូបនេះ។

ក្នុងនោះដែរ បើតាមការចុះផ្សាយរបស់ Daily Star បានឲ្យដឹងថា Liverpool បានសម្លឹងឃើញកីឡាករស្លាប​ Riyad Mahrez របស់ក្រុម Leicester City ដើម្បីជំនួស​តំណែងរបស់ Philippe Coutinho ដែលបានចាកចេញទៅកាន់ Barcelona កាលពីពេលថ្មីៗ កន្លងមកនេះ។ ជាក់ស្តែងណាស់ លោក Klopp បានត្រៀមទឹកប្រាក់ប្រមាណជា ៥០លានផោន ដើម្បីចរចារទិញយក Mahrez ពី King Power មកកាន់ Anfields មុនការបិទទីផ្សារដោះដូរកីឡាករ ត្រូវបានបិទ​បញ្ចប់។

យ៉ាងណាវិញនោះ ប្រហែលជាមិនងាយស្រួល​ឡើយសម្រាប់ Liverpool ក្នុងការនាំយក Mahrez ព្រោះថា កីឡាកអាល់សេរ៉ីរូបនេះ កំពុងត្រូវបានក្រុមកាំភ្លើងធំ Arsenal ជិតទទួលបានជោគជ័យ ក្នុងការនាំយកទៅកាន់ Emirates ផងដែរ។ ក៍ប៉ុន្តែ ក្រុមហង្សក្រហម Liverpool នៅតែមានជំនឿចិត្តថា ពួកគេអាចនាំយក Riyad Mahrez បានដោយសារតែក្លិបកំពូលរបស់អង់គ្លេស​មួយនេះ នៅសល់កន្លែងទំនេរមួយសម្រាប់ Mahrez បន្ទាប់ពី Coutinho ចាកចេញទៅ ខណ: ក្រុមកាំភ្លើងធំ Arsenal វិញ ប្រហែលជាគ្មានកន្លែងទំនេរ សម្រាប់ Mahrez ឡើយ។

មតិយោបល់