Post News Media ព័ត៌មានកីឡា PSG ត្រៀម ៣០ ...

PSG ត្រៀម ៣០ លានផោន បន្ថែមកម្លាំងការពារ

ក្រុមអ្នកមានបារាំង បានត្រៀមរួចរាល់ហើយ ក្នុងការបន្ថែមកម្លាំងការពារថ្មីមួយរូបទៀត ដោយហ៊ានចំណាយដល់ទៅខ្ទង់ ៣០លានផោន នៅរដូវក្តៅខាងមុខនេះ។

យ៉ាងណាវិញ បើតាមការចុះផ្សាយរបស់ The Sun បានឲ្យដឹងថា ក្រុម Paris Saint Germain នឹងចំណាយទឹកប្រាក់ ៣០លានផោន ដើម្បីទិញខ្សែការពារស្លាបអាហ្សង់ទីន Marcos Rojo ពីក្រុមបីសាចក្រហម Manchester United ។ ការចង់បាន Rojo នេះដែរ ដោយសារតែក្រុម Paris Saint Germain នៅមានចំណុចខ្សោយត្រង់ស្លាបឆ្វេង​នៅ​ឡើយ ដែលមិនសូវមុតស្រួចឡើយ ខណ:ស្លាបស្តាំ Dani Alves ហាក់រឹងមាំហើយ។ ម្យ៉ាងវិញទៀតនោះ Rojo មិនត្រឹមតែអាចលេងការពារស្លាបប៉ុណ្ណោះទេ​ កីឡាករអាហ្សង់ទីនរូបនេះ អាចលេងបានទាំងតំបន់ការ​ពារ​កណ្តាលទៀត ប្រសិនបើចាំបាច់នោះ។ Rojo គឺជា​កម្លាំងដ៍សំខាន់ដែលជួយក្រុមបីសាចក្រហម Manchester United ក្នុងការឈ្នះពាន Europa League កាលពីរដូវកាលមុន។

បើទោះបីជា Rojo របួស​កាលពីដើមរដូវកាលកន្លងមកក៍ដោយ​ តែក្រោយពីវិល​ចូលទីលានវិញ កីឡាករអាហ្សង់ទីនរូបនេះនៅតែលេង​បានយ៉ាងល្អដដែល។ ហេតុផលនេះហើយ ទើបក្រុម Paris Saint Germain សម្រេចចិត្ត ចង់ទិញយក​ Marcos Rojo នៅរដូវក្តៅខាងមុខនេះ ដើម្បីយកទៅ​បំពេញបន្ថែមតំបន់ដែលកំពុងខ្វះខាតនេះ។

Loading...