ក្នុងការប្រកួតមិត្តភាព អន្តរជាតិ លើកទី២នេះដែរ ក្រុមជម្រើសជាតិពរទុយហ្គាល់ ហាក់គ្មានសំណាងដូចកាលជួបអេហ្ស៊ីបឡើយ ដោយត្រូវក្រុមអធិរាជទឹកក្រូច ហូរឡង់លុតយ៉ាងចាស់ដៃ ក្នុងលទ្ធផលដល់ទៅ ៣-០ ។
ថ្វីបើការប្រកួត World Cup មិនទាន់ឈានចូលមកដល់ក៍ដោយ តែការបរាជ័យយ៉ាងអាម៉ាស់ ក្នុងប្រទេសស្វ៊ីសយប់មិញនេះ បានបង្ហាញនូវសញ្ញាណ មិនល្អឡើយ សម្រាប់ ពរទុយហ្គាល់ ដែលកំពុងត្រៀមខ្លួនលេង World Cup នៅរុស្ស៊ី ក្នុងពេលដ៍ខ្លីខាងមុខនេះ។ ជាការពិតណាស់ ត្រឹម១តង់ប៉ុណ្ណោះ ពោលនៅតង់ទី១ ក្រុមហូរឡង់ អាចស៊ុតបញ្ចូលទី ដល់ទៅ៣គ្រាប់លើក្រុមខ្លាំង ពរទយុហ្គាល់ ខណ:ពេញ ៩០នាទី ពរទុយហ្គាល់ រកមិនបានសូម្បី១គ្រាប់វិញឡើយ។
៣គ្រាប់របស់ក្រុមអធិរាជទឹកក្រូចហូរឡង់ រកបានដោយ ការស៊ុតបញ្ចូលរបស់កីឡាករ Memphis Depay នៅនាទីទី១១, កីឡាករ Ryan Babel នៅនាទីទី៣២ និងគ្រាប់ទី៣ រកបានដោយខ្សែការពារ Virgil van Djik នៅនាទីទី៤៥ ស្របពេលដែលខាងពរទុយហ្គាល់ មិនអាចរកគ្រាប់បាល់បានឡើយ បែរជារកបានកាតក្រហមជំនួសវិញ ដែលទទួលបានដោយកីឡាករ Joao Cancelo នៅនាទីទី៦១។ យ៉ាងណាវិញ ការបរាជ័យនេះដែរ បានបង្ហាញឲ្យឃើញថា ពរទុយហ្គាល់ អាចនិងធ្វើមិនបានល្អឡើយ ក្នុងព្រឹត្តិការណ៍ World Cup ខាងមុខនេះ ព្រោះថាហូរឡង់ ដែលជាក្រុមមួយកម្រលេងឈ្នះ ពរទុយហ្គាល់ផងនោះ បែរជាអាចបំបាក់យ៉ាងចាស់ដៃបែបនេះទៅហើយ។
ក៍ប៉ុន្តែ នេះគ្រាន់តែជាការប្រកួតមិត្តភាពអន្តរជាតិត្រៀមប៉ុណ្ណោះ សម្រាប់ World Cup ខាមុខនេះ ពរទុយហ្គាល់ អាចធ្វើបានកម្រិតណានោះ ត្រូវបន្តរង់ចាំតាមដានទាំងអស់គ្នាទៀត។
//www.youtube.com/watch?v=oK9EjSxbjUo
មតិយោបល់