កាលពីរដូវកាលមុន ខ្សែប្រយុទ្ធអេហ្ស៊ីប Mohamed Salah របស់ក្រុមហង្សក្រហម Liverpool បានឈ្នះស្បែកជើងមាស Premier League ក្នុងនាមជាកីឡាករដែលរកគ្រាប់បាល់បានច្រើនជាងគេ ដោយប្រជែងឈ្នះ Harry Kane ម្ចាស់ស្បែកជើងមាស ២រដូវកាលជាប់គ្នា។
យ៉ាងណាវិញ សម្រាប់រដូវកាលនេះ Salah ហាក់ដូចជាចាប់ផ្តើមមិនទាន់ល្អដូចរដូវកាលមុនឡើយ ផ្ទុយមកវិញ មិត្តរួមក្រុមរបស់គេ Sadio Mane កំពុងតែដើរតាមគន្លងចាស់របស់ Salah ពោលស៊ុតបញ្ចូលទីអស្ចារ្យៗ ឲ្យក្រុមហង្សក្រហម Liverpool ។ ជាការពិតណាស់ Sadio Mane គិតត្រឹម ២ប្រកួតកន្លងមកនេះ រកបាន ៣គ្រាប់ហើយ ដោយឈរកំពូលតារាងជាមួយកីឡាករ ២រូបផ្សេងទៀត រួមមាន Sergio Aguero របស់ក្រុម Manchester City និង Richalison របស់ក្រុម Everton ដែលសុទ្ធសឹងរកបាន ៣គ្រាប់ដូចគ្នា។
តាមរយ:លទ្ធភាព នេះដែរ Mane រដូវកាលនេះ អាចនឹងជាបេក្ខភាព ដ៍ចម្បងកុ្នងការដណ្តើមស្បែកជើងមាស នៅ Premier League ជាមួយកីឡាករផ្សេងៗទៀត ប្រសិនបើរូបគេនៅតែបង្ហាញទម្រង់លេងយ៉ាងល្អបែបនេះរហូតដល់បញ្ចប់រដូវកាលពោល Sadio Mane អាចជំនួសតំណែងរបស់ Mohmed Salah ជាក់ជាមិនខានឡើយ។
https://www.youtube.com/watch?v=HRu_I0lsXsE
មតិយោបល់