ថ្មីៗនេះក្រុមហ៊ុន Apple បានដាក់គម្រោងសាងសង់សាខាលក់ថ្មីនៅទីក្រុងឈីកាហ្គោ ស្ថិតក្នុងរដ្ឋ Illinois ទីតាំងជាប់នឹងទន្លេទីក្រុងឈីកាហ្គោ ដែលមានរចនាបថថ្មីស្រលាងមួយបង្កការទាក់ទាញជាខ្លាំង។

តាមការបង្ហាញដោយសារព័ត៌មាន DNAInfo បានឲ្យដឹងថា សាខាថ្មីរបស់ក្រុមហ៊ុន Apple នាពេលខាងមុខនេះ នឹងប្រើជញ្ជាំងកញ្ចក់ ដូចទៅនឹងសាខាផ្សេងៗទៀតដែរ ប៉ុន្តែ ខុសប្លែកត្រង់ដំបូលមានភាពលេចធ្លោរជាងគេ ដោយក្រុមហ៊ុន Apple បានប្រើឡូហ្គូតំណាងរបស់ខ្លួនរូបផ្លែប៉ោម មកដាក់ចំកណ្ដាល ផ្នែកខាងលើនៃដំបូងអាគារ ធ្វើឲ្យវាមានរាងដូចទៅនឹងកំុព្យូទ័រ MacBook ដែរ។

គួរបញ្ជាក់ថា ថ្ងៃបញ្ចប់គម្រោងសំណង់នេះ នៅមានទាន់រាយការណ៍មកទេ ប៉ុន្តែការសាងសង់ឃើញថា ជិតដល់ថ្ងៃរួចរាល់ហើយ ដូចនេះវាប្រហែលជាមិនយូរប៉ុន្មានទៀតទេ៕

ប្រភព- iphonehacks