Post News Media ព័ត៌មានបច្ចេកវិទ្យា វិធីសម្គាល់ i...

វិធីសម្គាល់ iPhone ត្រូវ Apple បន្ថយល្បឿនដំណើរការឬអត់?

ប្រិយមិត្តដែលកំពុងប្រើប្រាស់ទូរសព្ទដៃ iPhone 6, 6s, SE និងស៊េរីក្រោយៗ ដែលដើរលើប្រព័ន្ធ iOS 10.2 ឡើង អាចនឹងជួបប្រទះបញ្ហាម៉ាស៊ីនទូរសព្ទដើរកាន់តែយឺតឡើងៗ។

មែនទែនទៅ វាមិនមែនកើតឡើងដោយសារម៉ាស៊ីនទូរសព្ទកាន់តែចាស់នោះទេ ប៉ុន្តែ ដោយសារថាមពលថ្មរបស់វាថមថយសមត្ថភាព ដែលក្រុមហ៊ុន Apple តាំងតើពីឆ្នាំមុន បានដាក់បញ្ចូលកម្មវិធីសម្រាប់បន្ថយល្បឿនដំណើរការ CPU របស់ទូរសព្ទ ទៅតាមអាយុកាលនៃថ្ម ក្រោមហេតុផលបញ្ជៀសបញ្ហាម៉ាស៊ីនកុំឱ្យរលត់ ដោយសារតែថាមពលថ្មខ្សោយមិនអាចទ្រទ្រង់ប្រតិបត្តិការលើទូរសព្ទបាន។

ដំណោះស្រាយនេះ Apple បាននិងកំពុងរងការរិះគន់យ៉ាងខ្លាំង រហូតមានការប្តឹងផ្តល់ជាច្រើនករណីថែមទៀតផង។ ក្នុងនោះដែរ ក្រុមហ៊ុនបានបង្ហើបប្រាប់​ពីផលប៉ះពាល់លើដំណើរការប្រើប្រាស់ទូរសព្ទ កើតចេញពីកំណែរបស់ខ្លួនចំនួន ៧ ចំណុច ដែល Post Tech សូមលើកយកមកបង្ហាញដូចខាងក្រោម៖

1- ពេលបើកម៉ាស៊ីនឡើងចំណាយពេលកាន់តែយូរ
2- ពេលអូសផ្ទាំងកម្មវិធីចុះឡើងរៀងស្ទក់ៗ ឬយឺតជាងមុន ដោយសារ Frame Rates ត្រូវបានកាត់បន្ថយ
3- អេក្រង់ចុះខ្សោយពន្លឺ
4- សំឡេងបន្លឺចេញក្រៅខ្សោយជាងមុន ដោយចុះមកត្រឹមកម្លាំង -3dB
5- ល្បឿន Frame Rate កាន់តែដើរយឺតនៅលើកម្មវិធីមួយចំនួន
6- កាន់តែធ្ងន់ធ្ងរ ពិលជំនួយពន្លឺកាមេរ៉ាអាចនឹងត្រូវបានបិទ ដោយមិនឱ្យឃើញនៅក្នុងផ្ទាំងកម្មវិធីកាមេរ៉ា
7- ការ Refresh កម្មវិធីនៅ Background អាចទាមទារតែនៅពេលដែលលោកអ្នកចុចបើក។

ទាក់ទងនឹងបញ្ហានេះដែរ Apple បានប្រកាសបញ្ចុះតម្លៃប្តូរថ្មថ្មីសម្រាប់ iPhone ដែលត្រូវបានខ្លួនបន្ថយល្បឿនដូចជា iPhone 6, 6s, & SE ពី ៥០ ដុល្លារ​ មកនៅត្រឹម ២៩ ដុល្លារ៕

Apple ចេញលិខិតសុំទោស និងដាក់ចេញដំណោះស្រាយពីរ ឆ្លើយតបរឿងចេតនាខ្លួនធ្វើឱ្យ iPhone ដើរយឺត

 

Loading...