Post News Media ព័ត៌មានបច្ចេកវិទ្យា Apple, LG, និ...

Apple, LG, និង Valve បោះទុនលើអេក្រង់ Micro OLED សម្រាប់វ៉ែនតា VR និង AR

យោងតាមឯកសារមួយធ្វើឡើងជាមួយគណកម្មការមូលបត្រអាមេរិក ក្រុមហ៊ុន Apple, LG និង Valve កំពុងវិនិយោគរួមគ្នាក្នុងទឹកប្រាក់ ១០ លានដុល្លារ លើក្រុមហ៊ុន eMagin ដែលផលិតអេក្រង់ប្រភេទ Micro ប្រើក្នុងអាជីវកម្មឧស្សាហកម្ម សុខមាលភាព និងយោធា។ 

តាមសេចក្តីថ្លែងក្នុងឯកសារដដែល eMagain និយាយថា ខ្លួនកំពុងពិភាក្សាជាមួយក្រុមហ៊ុន Tier One ដើម្បីរចនា និងអភិវឌ្ឍអេក្រង់ប្រភេទ Micro Display សម្រាប់ឧបករណ៍ VR និង AR សម្រាប់អ្នកប្រើប្រាស់ទូទៅរាប់បញ្ចូលទាំងវ៉ែនតា AR របស់​ក្រុមហ៊ុន Apple ដែលបានលេចឮថាកំពុងអភិវឌ្ឍ ហើយដែលត្រូវគេរំពឹងទុក​ថា​នឹងចេញនៅឆ្នាំក្រោយ។

កន្លងមកថ្មីៗនេះ អ្នកវិភាគម្នាក់មកពីក្រុមហ៊ុន Venture Capital ឈ្មោះ Gene Munster បាននិយាយថា វ៉ែនតា AR របស់ក្រុមហ៊ុន Apple នឹងក្លាយជាផលិតផលដែលមានភាពល្បីល្បាញជាង iPhone នៅក្នុងឆ្នាំ ២០២០។

គួរបញ្ជាក់ថា Valve គឺជាក្រុមហ៊ុនផលិតកម្មវិធីហ្គេមមួយដែលកំពុងធ្វើការជាមួយក្រុមហ៊ុន LG លើឧបករណ៍ VR បំពាក់ជាប់ក្បាល។ បច្ចុប្បន្ន អេក្រង់ឈានមុខគេផ្តល់ដោយក្រុមហ៊ុន eMagin មានកម្រិតបញ្ចាំងរូបភាព ២០៤៨x២០៤៨ ភិចសែល៕

ប្រភពព័ត៌មាន: SEC, CNET

Loading...