Trusted Contacts គឺជាមុខងារសន្តិសុខមួយនៅលើកម្មវិធី Facebook ដែលត្រូវបានបង្កើតឡើងដើម្បីជួយការពារការលួចយកគណនី Facebook របស់អ្នកប្រើប្រាស់បន្ថែមពីលើមុខងារ Two-Factor Authentication។
វាអនុញ្ញាតឱ្យម្ចាស់គណនី Facebook នីមួយៗ ដាក់បញ្ចូលនូវលេខទូរសព្ទមិត្តភក្តិដែលខ្លួនទុកចិត្ត ដើម្បីបង្កានៅពេលមានអ្វីខុសប្រក្រតីកើតឡើងនៅលើគណនីរបស់ខ្លួន ដូចជាមិនអាចចុះឈ្មោះចូលប្រើបានជាដើម។
មុខងារនេះ បើកឱ្យលោកអ្នកបញ្ចូលលេខទូរសព្ទទំនាក់ទំនងមិត្តភក្តិពី ៣ ទៅ ៥ នាក់ ហើយអាចអនុវត្តបានតាមរបៀបដូចខាងក្រោម៖
របៀបអនុវត្ត៖
– បើកកម្មវិធី Facebook រួចចុចលើប៊ូតុងមឺនុយ (សញ្ញាត្រេបី) នៅខាងក្រោមជ្រុងខាងស្តាំ (សម្រាប់ទូរសព្ទ iPhone) ឬនៅខាងលើជ្រុងខាងស្តាំ (សម្រាប់ទូរសព្ទ Android)
– ចុចលើ Settings -> Account Settings -> Security & Login ហើយជ្រើសយក Choose 3 to 5 friends…
– ចុចលើ Choose Trusted Friends រួចជ្រើសយកលេខទំនាក់ទំនងទូរសព្ទមិត្តភក្តិដែលខ្លួនពេញចិត្តក្នុងបញ្ជី។ លោកអ្នកក៏អាចវាយឈ្មោះពួកគេនៅក្នុងប្រអប់ Search បានដែរ ប្រសិនបើពិបាករក។
– ជាចុងក្រោយ ចុចលើ Done ជាការស្រេច៕
ប្រភពព័ត៌មាន: igeekblog
មតិយោបល់